O chjù !

Sta guida hè fatta da tutti i parsunali di a prima zitiddina, ma dinò da i sculari di LP è di i CFA di Corsica è da i studianti di i scoli d’ausiliarii di puericultrici. Hè cumpostu da setti parti, setti linguetti :

-Da i capi : da truvà ci ducumenti da a dirizzioni di a ciucciaghja.

-Lingua è cumunicazioni : da truvà ci un aiutu pà a prununcia è a lettura di u corsu, è qualchì basa di cumunicazioni.

-I rituali : da truvà ci fisci in leia cù tutti i rituali di a ciucciaghja : l’accolta, a siesta, i ripasti…

-L’attività : da truvà ci l’attività è i temi principali chì currispondini à a vita d’ogni ghjornu di i ziteddi.

– Canzoni è filastrocchi : da truvà ci canzoni è filastrocchi, in leia cù tutti i tematichi di a guida. I mammareddi pudarani sceglia quidda chì li ghjuvarà u più pà ogni rituali o attività.

– À via di u bislinguisimu : da truvà ci ducumenti da metta in baddu u bislinguisimu in a ciucciaghja. Ci hè ancu a signaletica di a struttura, in dui parlati, è rifarenzi ghjuvativi.

– Lessicu : da truvà ci paroddi in leia cù ogni tema di « Rituali » è »Attività », chì ùn sò in i fisci. I paroddi sò classificati in l’ordini alfabeticu, cù dinò a so traduzzioni, da arricchiscia i cunnuscenzi è a cumunicazioni. I verbi dani a prima parsona di u prisenti di l’indicativu à u singulari è à u plurali, trà parentesi : affistà (affestu-affistemu).