Videò biugraffica corta di Napuliò, da a so nascita, u 15 d’agostu di u 1769 in Aiacciu, in sin’à a so morti in Sant’Elena, u 5 di maghju di u 1821. Ammenta i fatti di primura di u so parcorsu : i so studii, a so carriera militari, a so numinazioni da Capigenerali di l’armata interna in u 1795, à a battaglia di u Ponte d’Arcole (1796), po a campagna di l’Egittu in u 1798. Tutti sti fatti ni facini un capu militari senza paru. Ammenta dinò u colpu di statu di u 18 brumariu, quand’eddu diventa Prima consuli po consuli à vita è dopu u so sacru da imperatori di i Francesi in u 1804 da u Papa Piu VII. Si tratta dinò di i riformi amministrativi, finanziarii è ghjudiziarii di l’Imperu, di a Campagna di a Russia calamitosa è di l’invasioni di Parighji duranti a Campagna di Francia da l’Alliati tedeschi, russii, austriani è prussiani. Tandu, in u 1814, si dismetti Napuliò è parti pà l’isula d’Elba, volta pà i « Centu ghjorni«  ma l’epupea napuluniana si compii cù a disf atta in Waterloo, in u 1815.