Videò biugraffica corta di Noëlle Vincensini, da a so nascita, u 3 di ghjinnaghju di u 1927 in Pedicroce, in sin’à a so morti in Aiacciu, u 22 di maghju di u 2025. Ammenta u parcorsu di u so impegnu, à 14 anni, in u muvimentu di risistenza di i forzi uniti di a Ghjuvantù Patriotica, po in i Francs-tireurs (FTP). Agenti di leia, hè dinunciata è arristata da a Gestapo in u 1944, turturata è dipurtata in u campu di donni di Ravensbrück, ma a li faci à scappà, duranti a « marchja di a morti« , di maghju di u 1945. In u 1970, dicidi di vultà si ni in Corsica è s’impegna in u Riacquistu. Rializeghja u ducumintariu Da a piaghja à a muntagna, ricumpinsatu da u Premiu di u festivali verdi di Montpellier. Fonda dinò à Radio Balbuzard, una di i prima radii libari corsi po, cù altri parsunalità isulani, u cullittivu antirazzistu Avà Basta !