Videò biugraffica corta di Claude Papi, da a so nascita, u 16 d’aprili di u 1949 in Portivechju, in sin’à a so morti in Miomu, u 28 di ghjinnaghju di u 1983. Sò ammintati i mumenti di primura di u so parcorsu spurtivu, da ch’eddu intigrò u SEC Bastia da ghjucadori prufissiunali, à 19 anni. Fù campioni di divisioni 2 in u 1968, finalistu di a Cuppa di Francia in u 1972, vincidori di sta Cuppa in u 1981, è anzi tuttu capighjocu è marcadori di trinca di a famosa epupea aurupea di u 1978, chì purtò u Sporting di Bastia in finali di a Cuppa UEFA contr’à u PSV Eindhoven. Dop’à issa vittoria, fù silizziunatu in a squatra di Francia pà a cuppa di u mondu di u 1978 in Arghjintina. 

Longu à i 479 partiti ch’eddu ghjucò, Claude Papi marcò 134 volti.