Videò biugraffica corta di Ghjuvanni Nicoli, da  aso nascita, u 1a di sittembri di u 1899 in San Gavinu di Carbini, à a so morti, u 30 d’aostu di u 1943. In u 1942, sott’à l’occupazioni taliana, diventa unu di i capimachja di u Fronti Naziunali di a risistenza di u circondu aiaccinu, cù Nunziu Benielli è Arturu Giovoni. U listessu annu, si scrivi à u partitu cumunistu clandestinu ed hè rispunsevuli di i ritali ligati à a missioni sicreta Pearl Harbour. Cuurduneghja parechji missioni da riceva armi da Algeri, cù u sustegnu logisticu di u sottumarinu Casabianca. U 6 di farraghju di u 1943, da capimilitari, hè rispunsevuli di a rimessa d’armi à l’ingrossu in u golfu d’Arone, cù l’agenti di missioni Petru è Santu Griffi è Larenzu Preziosi. U 27 di ghjugnu di u 1943, un cullaburatori, sociu di u Partitu pupulari francesi, u dinuncia ed hè arristatu da l’OVRA, a pulizza pulitica taliana. Dui mesi dopu, u tribunali militari talianu di Bastia u cundanna à morti da spia militari ed hè fucilatu u 30 d’agostu di u 1943.