Stu filmettu, senza cummenti ma accumpagnatu da scritti chì s’affaccani ogni tantu è da canti di circustanza, ci prisenta a bedda tradizioni di a tribbiera.

Dop’à a sighera, si mettini i manneddi in l’aghja, cù dui boii ligati à u tribbiu. Cundutti da i tribbiadori, calcicheghjani è spricciacani u granu, u tribbiani.

Dopu si rifinisci u travagliu cù i palmuli. A tribbiera si faci sott’à a prutizzioni di Sant’Antoni è si faci festa, à a fini di listati.