Eranu digià cunnisciuti i famosi « Fondamentaux » di CANOPÉ, arnesi piacevuli per custruì l’amparere fundamentali à a scola elementaria.
Eccu ci quì a traduzzione di trè filmetti d’animazione in giru à e matematiche : trè filmetti da fà rimuscià è vultulà i cerbelli per ragiunà è calculà in lingua corsa, tuttu què ghjuchendusi ! Chì campa !
I documenti d’accumpagnamentu è dinù u materiale pedagogicu necessariu à a sbucinera di a sequenza diddattica sò ricchi assai per permette à i maestri d’aduprà li incù asgiu è piacè.
