Hè famosa issa cala bianca è turchina di a Corsica più suttana. A supraneghja un liò maistosu, à mez’à scogli cù formi fantastichi, chì spuntani da a machja. A cala di Roccapina hè un ghjuveddu di a biudiversità di 500 ettari, cù parechji razzi animali è vegetali è un ambienti umidu. A cuparchjata cistudini, a bariulata (una ranochja particulari), canni, u ghjineparu, rapaci, eccu ciò chì si pò truvà culà.

Par via di a torra tondula (di u 1610) in cima à u situ, s’hè francata l’urbanizazioni scema di l’anni 1960 è 1970. Si francheddini dinò i prugrammi immubiliarii è i danni di u turisimu di massa, chì u Cunsirvatoriu di u Litturali è u prugramma Natura 2000 ani tinutu a sputicchezza è a biddezza di i lochi.

Oghji hè gestitu da a Cullittività di Corsica issu spaziu naturali sinsibuli, hè prutettu ma ci si pò ghjugna. A Casa di Roccapina hè un anziana casa cantunera, pruponi visiti tuttu l’annu è porta u spassighjadori in sin’à un caseddu o un oriu, à mez’à un paisaghju scambiatu mancu à pena.