Spazii naturali sensibuli di Corsica

Un spaziu naturali sinsibuli hè una zona aparta à u publicu, cù un patrimoniu naturali, giulogicu, biulogicu è paisaghjincu minacciatu, da essa prutettu.

I 5 spazii prisintati in issa cullizzioni sò siti di u liturali, ma ci ni hè ancu in muntagna.

Sò assistati è attrazzati di modu ch’eddu sichi rigulatu l’accessu, a circulazioni è a fraquintazioni umana, da pruvà à mantena l’equilibriu di l’ecusistemi.

Oghji chì hè oghji, cù l’ecunumia di u turisimu, i pulitichi lucali da l’ambienti sò di primura pà u so avvena.

Pruduttori : Canopé di Corsica