In u 1979, u vitturinu di u carru di i Sanguinari ci porta longu à a strada, à l’iscontru di la ghjenti chì ci travaglia, urtulani, pastori o cummircianti ch’eddi sichini.

Cù issi ghjenti, si vedi u scumbugliu in a vita campagnola par via di u sviluppu turisticu. L’Aiaccini, eddi vedini cambià à a lestra i so lochi di spassighjata, cù i bandi di i turisti è i numarosi custruzzioni.

A strada nova hè una bona, chì faciliteghja i passa è veni da a cità, ma certi sò cummossi di veda inguffì tutti issi lochi. Tutti sò cuscenti ch’eddu ùn si pò luttà contr’à u cambiamentu.