In u 1985, Carlu Rocchi, u tarcanu di u cantu corsu, parla di u so parcorsu incù Petru Leca.

Ziteddu, quand’eddu era in vacanzi in u so paesi, stava à senta i vechji chì cantavani a paghjella. Si piglia di passioni pà stu cantu, impara à pocu à pocu è un bel ghjornu si metti à fà a terza. A so carriera cumencia versu u 1956, ma in l’anni 1970, hè custrettu à piantà par via di a so saluta. Da tandu, canta pà l’amichi è basta.

È puri, sta carriera cusì corta hà lasciatu una stampa in i generazioni in sin’à d’avà, cù canzoni chì tutt’ognunu cunnosci è canta.