In u 1980, hè capita ch’eddu si perdi u corsu in carrughju è in famiglia. À a scola ci hè pocu è micca ma cumenciani i maestri à intigrà lu à a so pratica pidagogica. « …À parte si di u mumentu ch’ella ci permette di sprime tutte e nostre gioie, i nostri sentimenti è ch’ella ci permette di capisce ci trà di noi, hè una lingua cum’è tutte l’altre. »

Sò pusitivi i prima spirienzi, com’è in a scola di monsieur Poli. Parlani corsu di modu asgiatu i ziteddi, cantani, discorrini cù u so maestru cusì attalintatu. Poni ancu ricità cù garbu versi, tal’è a favula detta à u minutu 2’17 » di u filmettu.

Trà sculari è maestru hè strinta strinta a leia è ancu a cumunicazioni, chì monsieur Poli cerca sempri d’intarissà i ziteddi sicondu a so mutivazioni.