D’inguernu sò 120 o 130 à stà in paesi, inveci d’istati ci hè cinqui o sei volti di più parsoni. La ghjenti travagliani in cità o in cuntinenti è ùn aprini i so casi cà pà i vacanzi. Puri s’eddu ci hè qualchì cummircianti o artighjanu, ùn si campa più com’è prima è pà l’anziani hè disgrazievuli ma « ci vole à suppurtà ».

Stu custattu ùn si faci solu in stu paesi, chì in tutta a Corsica hè listessa.