In u 1986, in u so paesi di l’Oretu di Casinca, Ghjuvanteramu Rocchi parla di u so parcorsu di travagliu militanti da ch’edda sichi insignata in i scoli a lingua corsa.

In a so zitiddina senti canzoni tradiziunali è varietà francesi. Videndu ch’eddu ùn hè privistu u corsu in l’insignamentu primariu è chì canzoni pà i ziteddi ci n’hè pocu è micca, i scrivi da par eddu.

Par eddu, hè un strumentu di trasmissioni è di prutizzioni culturali di a sucità corsa a lingua, da ch’edda risisti à i mudeddi placcati di u fora. Fù un punteddu trimendu Ghjuvanteramu pà a furmazioni di l’insignanti pà l’imparera di u corsu.