A famosa cità furtificata di Bunifaziu a cunquistetini i Genuvesi à u12^mu  seculu, da cuntrullà u passaghju trà a Corsica è a Sardegna. Al di là di a storia appassiunanti di a cità,  si scopri una di i riservi naturali marini è tarrestri più beddi di u Madittarraniu, quidda di l’isuli Lavezi. L’arcipelagu palesa una ricchezza biulogica tamanta.

L’isula più impurtanti, Lavezu, era occupatu à u Niuliticu. In u 1855, ci si affundò u batteddu La Sémillante, fendu 700 morti.

A riserva a curani l’Uffiziu di l’ambienti è u Parcu marinu corsusardu. Sò prutetti pianti, aceddi nidicaghjoli, pesci, chì u turisimu di massa pò minaccià issu paradisu.