In cor di a citatedda di Bastia, eccu u Palazzu di i Guvernatori, chì fù a sedia di u puteri puliticu genuvesi duranti 3 seculi.

Fù alzatu in u 1487, à l’epica di l’Uffiziu di San Ghjorghju, è ci stava u guvernatori (Bastia era tandu a capitali di a Corsica). Quiddu hè incaricatu di l’amministrazioni è di a ghjustizia pà tutta l’isula. U Palazzu hè un locu di puteri (amministrazioni, canciddaria, archivi) è di difesa (ponti pisatoghju, cisterna, furtificazioni), cù dinò prighjò. Stu casali maistosu supraneghja u portu è teni i vistighi di a Storia di Bastia è di a Corsica, da u 15^mu à u 18^mu seculu.

In u 1898 nasci l’idea, da a Sucità di i Scenzi storichi è naturali di Corsica, di fà ni un museu d’Arti è di Storia, è u Palazzu di i Guvernatori hè sempri oghji un elementu assignalatu di u patrimoniu corsu.