Eccu ci in u paesi medievali di Pigna, chì supraneghja a marina d’Alagaiola, trà Curbara è Aregnu. U paesi fù alzatu da un certu Consalvo Romano, in l’annu 860. Riprisenta a mimoria patrimuniali è storica di a Balagna.

In l’anni 1970, in u filu di u Riacquistu, Pigna ripiglia fiatu par via di u travagliu di Toni Casalonga, pittori è artista cuntimpuraneu. Tandu si spannani a criazioni è i manifestazioni artistichi, chì ci venini associ di musica è di cantu.

U centru culturali Voce urganizeghja residenzi d’artisti, cuncerti è festivali, è, in u 2000, apri l’auditoriu, da accoglia spittaculi in cundizioni.