U situ prestoricu di Cauria hè in Corsica suttana, trà a piaghja di Tizzanu è a muntagna di Cagna.

In u 4 500 n.C, sò urganizati i cumunità niulitichi sidentarii, facini l’allevu, l’agricultura è alzani megaliti. U sensu di st’infilarati di stantari ùn si pò accirtà. Frà i 178 cunnusciuti di u situ di Rinaghju vicinu, certi sò antrupumorfi è altri sò semplici petri alzati. I più maiò riprisentani guerrieri (i palatini) o capimachja. Sò uriintati versu u Livanti è pudariani avè un sensu rilighjosu, ma ùn si pò accirtà di modu scentificu.

Ci hè dinò a stazzona di Funtanaccia, fatta da una lastra di 3 tonni chì riposa à nant’à setti petri alzati. Hè una tomba cullittiva, aparta à Livanti, fatta pà essa vista da luntanu. U situ di Cauria hè un esempiu maestru di u Megalitisimu corsu, par via di a so ricchezza archiulogica è a so biddizia.