In Balagna, a ghjesgia di A Nunziata di Muru hè stata alzata in cor di u paesi in u 1760.

Faci parti di i ghjesgi di stili baroccu custruiti in Corsica trà u 17^mu seculu è u 18. I feci alzà a Ghjesgia catolica da accirtà u so puteri di pett’à u Cunsigliu di Trentu.

L’architettura di sti ghjesgi hè cuncipita da ch’eddi si possini veda da luntanu : facciati à pilastri, curnici, voluti è sculturi. A ghjesgia di Muru hè a sola di Corsica cù trè liveddi.

In drentu, si trova una navata unica cù cappeddi didicati à i santi, un altari di marmaru, culonni turcinati, dicori ricchi è pumposi, statuli è quatri. A tiatralizazioni di tutti st’elementi palesa un scopu beddu chjaru : fà ni straveda à i cristiani è cummova li.

A ghjesgia di Muru hè l’archetippu di l’arti barocca in Corsica.