A bedda piazza San Niculà di Bastia hè una di i più maiò d’Auropa, cù 280 x 90 metri. Sta piazza bedda cunnusciuta pà i « colla è fala » bastiacci, a volsi a municipalità in u 1830, da fà ni un locu di scontru è da sviluppà a cità bassa.

A muraglia chì susteni a piazza, l’alza l’architettu Andrea Sisco. Oghje sò sempri da vede trè munimenti assignalati :

-Una statula di Napuliò Imperatori à l’antica, cumprata da a municipalità à l’eredi di u scultori talianu Lorenzo Bartolini, ghjunta da Livornu è inaugurata u 15 di ghjugnu di u 1854.

-U chioscu, custruitu da Robillard, un militati francesi, in u 1907. U listessu annu, ponini 50 palmi da imbiddiscia a piazza.

-U munimentu à i morti, fattu di bronzu, opara di dui artisti bastiacci (Louis Patriarche pà a statula è Jean-Mathieu Peckle pà u bassu rilevu) hè inauguratu in u 1935.

A piazza San Niculà hè sempri oghji u locu di scontru, di sciali è di piacè bramatu da a cità pà i Bastiacci.