In u quartieru di a Citatella di Bastia, trà u domu Santa Maria è l’anzianu spidali genuvesi, eccu l’Oratoriu Santa Croce. Alzatu in lu 1600, hè l’edifiziu più anzianu di a cità, è da fora ùn si pò mancu à pena induvinà i tisori chì ci hè in drentu.

L’Oratoriu u dumandeti a cunfraterna di Bastia (chì hè sempri viva oghji). Fù custruitu sicondu l’architettura barocca (i curbi, l’ori, i dicori). Stu stili nasciti dop’à u Cunciliu di Trentu (1545-1563), da tiatralizà a rilighjoni è cummova i cristiani, da luttà contr’à a Riforma prutistanti.

Frà altri maravigli, ci si pò veda u famosu Cristu neru, prisenti in tutti i prucissioni bastiacci, l’altaroni di marmaru, cù sopra un’opara di u pittori fiurintinu Giovanni Biliverti (1633), un organu magnificu è volti culuriti, ornati da sculturi d’oru, di legnu è di stuccu, nati da u muvimentu dittu « Barocchetto » di u 17^mu seculu talianu (anni 1770).

St’oratoriu hè forsi u più beddu di Corsica è unu di i munimenti più visitati.