Eccu un casteddu parighjinu in Corsica, ci vulia à fà la !

In u 1833, dui fideli di u rè, nimiconi di Napuliò, u duca Ghjilormu Pozzo di Borgo è u figliolu Carlandria, dicidini di cumprà i petri di u Pavillon Bulland è di l’anticu Palazzu di i Tuileries. Voni alzà un casteddu, da palisà i so upinioni munarchista è vindicà si di Napuliò.

I petri futini carriati da Parighji in sin’à a cumuna d’Alata, da edificà un casteddu di stili Rinascita. Ci fecini ghjugna dinò vitrarii da u Casteddu di Saint-Cloud et sculturi da a Merria di parighji. Fora, si vedini culonni di stili curinziu è iònicu. In drentu, hè tuttu lussu è nubilità, cù un sciaminè è un scaloni di marmaru, ricchi boiseries d’oru, cù fiori di gigliu è l’armuratura di i Pozzo di Borgo.

U casteddu futi classificatu munumentu storicu in u 1977 è brusgiò un annu dopu. Tuccaria dunqua à u nuveddu prupiitariu, u Cunsigliu Generali di u Pumonti, di spenda i milioni da risturà stu pezzu di u nostru patrimoniu.