U cunventu San Francescu fù alzatu in u 1481 da i Franciscani, à u locu dettu « A Paratella », à nant’à a cumuna di Vicu, in u cantoni di Sorru. Hè unu di i più anziani di Corsica.

Prima fecini a ghjesgia cunvintuali, po aghjunsini altri bastimenti, da a fini di u 17^mu seculu à u 18^mu. In drentu si vedi u Cristu in croci chjamatu « Franciscone », di fattura taliana, è dinò un mobulu di sacristia magnificu, scarpiddinatu in u 1664 da u frati Bonaventura, di i Pirelli di l’Alisgiani, cù un simbulu franciscanu. Ci hè ancu un tabernaculu di u 1698.

Da u 1789 à u 1828 u cunventu chjuditi. In u 1836, Monsignori Casanelli d’Istria u deti à i missiunari oblati è divintò un locu di furmazioni spirituali pà i preti. U più famosu, Preti Carludumenicu Albini, ci lasceti un ricordu prufondu è a cunfraterna criata in u 1996 fù chjamata par eddu, « Cunfraternita Padre Albini ».

U cunventu hè un locu rilighjosu ma dinò d’alloghju, di scontri è d’avenimenti tal’è u festivali di musica « Sorru in musica ».