U cardinali Fesch, u ziu di Napuliò 1^ma, era appassiunatu d’arti, è l’Istitutu di l’Arti è di i Scenzi ch’eddu volsi pà Aiacciu fù alzatu trà u 1828 è u 1852. Stu bastimentu hè u Palazzu Fesch, cumpostu da u Museu, da a Bibbiuteca è da a Cappedda imperiali. Longu à a so vita, u cardinali acquisteti più di 16 000 opari ; frà quissi, i primitivi taliani (da u 13^mu à u 15^mu seculu) riprisentani a siconda cullizziò di Francia dop’à quidda di u Louvre.

In più di sta cullizziò permanenti (min. 2.20à 3.50) chì cumprendi un Botticelli, si pò veda i pitturi barocchi (17^mu-18^mu seculu) è quiddi di u baroccu napulitanu, naturi morti di a scola fiamminga è un locu didicatu à i pittori corsi di a scola di u 20^mu seculu.

Ci hè dinò una gaddaria didicata à Napuliò 1^ma, chì prisenta numarosi sculturi è pitturi, par indettu u ritrattu ufficiali di l’imperatori, rializatu da François Gérard.

Dop’à una risturazioni impurtanti, in u 1990, u Museu Fesch hè divintatu « museu di l’Arti Beddi » in u 2010.