Dissi u giugraffu Ratzel chì « A Corsica hè una muntagna in mari ».

Attippemi, in i passi di i pastori di sempri è di i spassighjadori d’oghji.

Versu u lagu à Ninu, cù e so puzzine, u lagu à Crena (scrittu à Natura 2000), sopr’à u paesi di A Soccia, a ricchezza biulogica si vedi in ogni locu. À nant’à u pianu di Camputile, à 1 550 metri d’altitutina, scuntremi l’ultimu pastori di u locu, Natale Donati. Nanzu à eddu ci era  Ghjacumu Luciani, « Jacquot », chì cureti issi lochi in sin’à a fini di l’anni 1990. In Vaccaghja, sò i middaii di i marchjadori à passà pà a mandria, à u crucivia di i stradi di u GR20. Dapoi l’anni 1980, u turisimu di spassighjata hè divintata a siconda attività muntagnola dop’à u pasturalisimu.